品味商業

品味藝術

NFT新聞| 試當真推出慨念NFT – NTR (Next Trial Run) 預計集資約三千萬!

試當真NFT – NTR 2022年4月23號開賣! 本地YouTube Channel 試當真推出NFT，命名為NTR (Next Trial Run) 食正NTR (?) 呢個名，究竟呢班創意十足YouTuber 又有咩新搞作? 有特別資格，類似特級尊貴會籍的NFT 坦白講，一般NFT 都係搵一堆KOLs，網絡美女話比你聽「好潮，要炒」，但人人都炒NFT， 唔通真係個個都識NFT? 有別於一般NFT，試當真推出嘅NFT類似一個有持份者嘅尊貴級會員，持有NFT 嘅人可以有各種特權，更可以對試當者嘅創作或發展方向有決定性嘅影響。同時，集資後試當真亦可以有更大的動作推動影片創作，下文為你一一拆解。 福利一：試當真由一星期2-3 片增產至每日一片！ 集資後有更多資源可以擴大團隊並增產至每日一片， 謝票場亦由YouTube 走到大銀幕，試當真成員會親身謝票！ 注意：只有NTR 持有者先可以參加   福利二：試當真舞台劇 由YouTube 走到劇場，試當真將會以更近距離與觀眾接觸 NTR 持有者可以優先以VIP 身份購票。 其實，可以預視試當真將來會舉辦更多現場活動，NTR持有者肯定有特別待遇！ 福利三：試當真藝員訓練班 試當真更會肩負起培訓的角色，籌備試當真藝員訓練班，發掘和培育有質素的新演員。 而NTR持有者可以參與選秀過程。 福利四：試當真電影 Last but not least，當然有—試當真電影! 其實搞咁多嘢，都係想推動香港電影業啫，游學修一向對香港電影嘅熱愛有目共睹。 由CapTV到試當真嘅進步，以電影嘅態度去拍網片，小編真心希望可以見到游導嘅作品面世， 加埋豪腎嘅編劇創意，好期待呢三大主腦嘅結晶面世！ 講完福利，係時候講返啲Fact 比大家聽: 發售日期: 2022年4月23日 每MINT價錢: 0.2 ETH 限售:  6000單位NFT 預計集資: 折合約港幣二千八百五十六萬 (ETH to HKD ref as of 16/4/2022) 四大福利預計完成時間: 兩年 Remarks: 試當真YouTube 會員級別優先購買 其實二千幾萬拍部戲都唔止，如果你都想同試當真一齊推動香港電影，可以考慮投資， 但當然要衡量風險！ 不過仲有好多細節未公布，例如咩Wallet, mint 網頁之類。 有興趣嘅朋友一定要密切留意，小編都會為大家update…